MefāǾįlün MefāǾįlün MefāǾįlün MefāǾįlün
1 Ŧurup ey jāle āġūşumda bir dem hem-dem olmazsın
Bu keyfiyyetle zaħm-ı ġonceye sen merhem olmazsın
2 Seni öldürmese dest-i ĥınā-rįz ile ol āfet
Göňül ĥaddin bilüp mānend-i sįm-āb epsem olmazsın
3 ĶanāǾat-pįşe ol hem-vāre pā-ber-cā olam dirseň
Eger meyl-i teraķķį itmesen çün muhkem olmazsın
4 Budur žannum bu imsāk ile ey şūħ-ı cihān-ārā
Güneş olsan żiyā-endāz-ı farķ-ı Ǿālem olmazsın
5 Budur žannum ki zāhid bį-muhābā nūş idersen sen
Virürdüm destüňe ben cāmı rāżı bilsem olmazsın
6 Tesellį ol göňül mevc-i sirişkümden bu āteşle
Miŝāl-i Ǿaks eger deryāya ġarķ olsan nem olmazsın
7 Cihān ser-tā ķadem mātemle leb-rįz olmış ey Ĥāmį
Vücūduň yorma kim dįvāne olsan bį-ġam olmazsın
Diyarbakırlı Hâmî Ahmed Hayatı
KAYNAK: Dr. Kadri Hüsnü YILMAZ, DİYARBAKIRLI HÂMÎ AHMED DİVANI, Ankara 2017
