fâ’ilâtün fâ’ilâtün fâ’ilâtün fâ’ilâtün
1 Zûr-mend iflâs ile sanma tüvânger söyleşür
Pehlevân şahs-ı fakîr ile kalender söyleşür
2 Söz bir itdükde iki çeşmân-ı gûyâ-yı kebûd
Birbiriyle san iki tûtî-i ahdar söyleşür
3 Lüélüé-i dendânını andukça la’l-i lebleri
Gûyiyâ cevher-fürûşândur ki gevher söyleşür
4 Hîn-i vuslat câme âsâ cism ü ten bîgânedür
Her kaçan rûhumla ol rûh-ı musavver söyleşür
5 Sînesin itdükde Pertev tîr-i müjgâna siper
Dîde-i efsûnger ile bahs-i dîger söyleşür
6 Pey-rev oldumsa ne var vâdî-i Mîr ‘Âmir’e
Birbiriyle ‘âdet olmışdur sühanver söyleşür
Dr. Ekrem Bektaş, MUVAKKİT-ZÂDE MUHAMMED PERTEV DÎVÂNI, Malatya-2007, https://ekitap.kulturturizm.gov.tr/Eklenti/10630,muvakkitzade-pertevpdf.pdf?0
