Mef`ûlü mefâ`îlü mefâ`îlü fa`ûlün
1 Zülfün kokusı müşg olup nâf-ı Haleb'de
Ragbet mi kodı `anbere eknâf-ı Haleb'de
2 Lutfun yili cân-bahş olup esdükde kalur mı
Bir seng ki gül virmeye etrâf-ı Haleb'de
3 Câm-ı leb-i şîrînüni emmek ne safâdur
Bu neşve `aceb var mı mey-i sâf-ı Haleb'de
4 Benzer ruh-ı rengîn ile bir gonce-i âle
Bir tıfla düşürdüm dili eşrâf-ı Haleb'de
5 Yahyâ ide Vassâf dahı tab`una insâf
Hoş şi`r didün hak bu ki evsâf-ı Haleb'de
Hasan KAVRUK , ŞEYHÜLİSLAM YAHYÂ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3147
