Zülfüñ içün nâfe-i Çîn dimişem
Çeşm-i âhûña Mogol-çîn dimişem
Kadd-i ra’nâña leb-i şîrînüñe
Şâh-ı rez engûr-ı şîrîn dimişem
Alnuña ruhsâruña dendânuña
Müşterî vü mâh u pervîn dimişem
‘Ârız-ı zîbâña gül-gûn haddüñe
Yâsemîn ü verd ü nesrîn dimişem
La’l-i lü’lû-pûşuñuñ vasfında men
Âb-dâr u nagz u rengîn dimişem
Rûşenîyem âfitâb-ı rûyuñı
Âsmân şemsinden aydın dimişe
https://ekitap.kulturturizm.gov.tr/Eklenti/10601,dede-omer-rusenipdf.pdf?0
