MefāǾilün FeǾilātün MefāǾilün FeǾilün
1 Zülāl-i eşkimin az ķaldı mevci başdan aşa
Zihį keremle başa ey çeşm-i eşk-bār başa
2 Çü şāne dişleri ceybinde var buncalaruň
Çıķar mı ŧurre-i ŧarrāruň ile kimse başa
3 ǾAķįķ-i niǾmet-i ġayra bilür meh dendānuň
Çeküp ŧamaǾ dişini gösterür gögin güneşe
4 ǾAceb mi eyler isem of rįze rįze ider
Ketān-ı śabr ŧayanmaz nārdan māh veşe
5 Lodos-miŝāl çıķup keştį-i ümįdi ķarşuya
Raķįb ķoymadı limān-ı vuślata yanaşa
6 Zülāl-i laǾlüňi leb-teşne-i muĥabbete śun
Virür çekįde-i yāķut-ı inŧifā Ǿaŧaşa
7 Miŝāl-i şāne olur pāre pāre kim ki düşer
Bülend pāyesine diller ile keşmekeşe
8 Sürüp ulaşduralum Ĥāmį sāĥa-i nažma
Kümeyt-i ħāmeyi terk eyledük birez alışa
Diyarbakırlı Hâmî Ahmed Hayatı
KAYNAK: Dr. Kadri Hüsnü YILMAZ, DİYARBAKIRLI HÂMÎ AHMED DİVANI, Ankara 2017
