Mefâ’îlün/ Mefâ’îlün/ Mefâ’îlün/ Mefâ’îlün
 Hezec: . - - - / . - - - /. - - - / . - - -
 
1 Zuhûr-ı mûy-ı nev-hîzün ruhunda nûrdan gördüm
Şikest ol hurde hattı ‘aynek-i billûrdan gördüm
 
2 O meh-rûnun hilâl-i yek-şebe bârîk-i ebrûsın
 Yakın gelmezden evvel kimseye ben dûrdan gördüm
 
3 Meger bûs-ı leb-i sâkî sabûh-ı subh-ı ‘işretmiş
 Bu tarz-ı tâzeyi bir müdmin-i mahmûrdan gördüm
 
4 Didüm yâre dehân-ı tengini gördükde hat-âver
 O şekker-pâreyi hâlâ hücûm-ı mûrdan gördüm
 
5 Hemân gûyâ ki Yâver kadre irdüm nûra gark oldum
 Beyâz ol gerdeni kim ol siyeh semmûrdan gördüm
 
 
Dr. Kaplan ÜSTÜNER, ENDERUNLU HASAN YÂVER DİVAN [İnceleme-Metin-Çeviri-Dizin], https://ekitap.kulturturizm.gov.tr/Eklenti/10608,enderunlu-hasan-yaver-divanipdf.pdf?0