Zevâl ü naksa düşürmiş gögüñ gün-ile ayına (576/1)
Cemâlüñ ışkı vü olmış felek hayrân bu âyîne
Senüñ yüzüñledür rûşen ay u gün senden ayrılan (576/2)
Ne añlar ol güni ne dir ne bilür hergiz ayı ne
Kemâli sunın Allâhuñ göze göze göreyim dirseñ (576/3)
Cemâlüñe nazar kılgıl elüne alup âyîne
Yüzüñi zühre görürse senüñ iy müşterî tâlic
(576/4)
Dahı ol bahmaya hergiz bu çarhuñ gün ü ayına
Ne çâre gitse ışkuñuñ yolında cân u akl u dil (576/5)
Ki âşık olanuñ budur ser-encâmı her âyîne
Berü gel var-iken fursat ganîmet görelüm ömri (576/6)
Çü durmaz itimâd itme anuñ yılı-y-la ayına
Cemâlüñ sûresin şâhâ niçe kim Ahmedî ohır (576/7)
Felekde encüm iderler sücûd ol sûre ayına
Dr. Yaşar AKDOĞAN, Ahmedî DÎVÂN https://ekitap.kulturturizm.gov.tr/Eklenti/10591,
