Fâ‘ilâtün Fâ‘ilâtün Fâ‘ilâtün Fâ‘ilün
1. Zerre olurdım o mihre hâksârumdur dise
Hâk-pây olurdım ammâ ki gubârumdur dise
2. Ben gam-ı agyârdan itmezdüm ey dil iştikâ
Âh bir kerre baña ol yâr yârümdür dise
3. Eylemezdüm bir dahı nezzâre-i semt-i visâl
‘Âşıkânum çeşm-dûz-ı intizârumdur dise
4. Hısset itmezdüm dilâ nakd-i niyâz-ı sarfda
Nâzenînüm ‘âşıkân-ı nâzkârumdur dise
5. Kevserüñ adın añar mıydum hele leb-teşnegân
Yâr eger leb-teşnegân-ı bûs-ı kenârumdur dise
6. Dâne-i eşküm ‘akîk-i sürhı eylerdi hacîl
Hasret-i la‘l-i lebüm gevher-nisârumdur dise
7. Kâniyâ eylerdüm ol şûha bütün cânum fedâ
Mazhar-ı nîm-iltifâtum yâr-ı gârumdur dise
Dr. İlyas YAZAR , K Â N Î D Î V Â N I, Ankara 2012
