116-
Mefâ`îlün Mefâ`îlün Mefâ`îlün Mefâ`îlün
1 Zemîne sanma kim zülzâl irişür nâ-gehân ditrer
Teb-i hicrândan ol şûhuñ bugün cümle cihân ditrer
2 Perîler şerrine ugramış âdem gibi vâveylâ
Görenler ol perî ruhsârı cânum her zamân ditrer
3 Dilâ câm-ı ezel mahmûrısın kim dîde lerzânuñ
Mülâyim dil-berüñ câm-ı lebin tutsa hemân ditrer
4 Tabîb-i cânsın ihsân eyle la`l-i şerbetinden gel
Teb-i hicrânuña düşmiş bu cân-ı nâ-tüvân ditrer
5 Ziyâ’î katlüme kasd itse ol âfet sürûrumdan
Gözüm segrür nişânum deprenür cismümde cân ditrer
Dr. Müberra GÜRGENDERELİ, MOSTARLI HASAN ZİYÂ’Î DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3195 KÜLTÜR ESERLERİ
