95.
--. / .--. / .--. / .—
Zann itme hemân saña benüm cân ile ‘âşık
‘Alem saña dil-dâde vü biñ cân ile ‘âşık
Görmezse senüñ kadd-i ser-efrâzuñı iñler
Şûrîde- dilin serv-i hırâmân ile ‘âşık
Bezm içre meded itme ‘ayân sîne –i sîmin
Pâyüñe düşer çâk-i girîbân ile ‘âşık
Bâlâya su‘ûd eyler idi hem-çü Mesîhâ
Hem-pâye olaydı saña dâmân ile ‘âşık
Hem-reng-i şakîk oldı gamuñla dil-i pür-hûn
Reng-âver olur lâle-i nu‘mân ile ‘âşık
Zâhir olıcak hat-ı ruhı kıldı Sa‘îdâ
Tekrâr bizi hüccet ü fermân ile ‘âşık
Saadet Karaköse, : Sa’id Giray Dîvânı, : © T.C. Kültür ve Turizm Bakanlığı Kütüphaneler ve Yayımlar Genel Müdürlüğü,2017 ISBN: 978-975-17-3636
