Mefâ‘ilün Fe‘ilâtün Mefâ‘ilün Fe‘ilün
1 Zamâne hasret-i bezm-i tarab-fezâmuz iken
O vahşi olmada bîgâne âşinâmuz iken
2 Müdâm sâye-nişîn-i nihâl-i âhum idi
Bahâr-ı ‘ârızı gülzâr-ı dil-güşâmuz iken
3 Kemend-i zülfüne ta‘lîm-i tâb iden biz idük
Zamân ile o sitem-pîşe dilrübâmuz iken
4 Niyâzmend-i nigâh idi sürme çeşmümden
Gubâr-ı hatt-ı ruh-ı yâr tûtiyâmuz iken
5 ‘Aceb ki cür‘a-keş-i kâse-i gedâyândur
O şûh bezmde Âgâh pâdşâmuz iken
Dr. ŞERİFE AKPINAR’ ÂGÂH (Semerkândî-i Âmidî) DÎVÂN, KÜLTÜR VE TURİZM BAKANLIĞI KÜLTÜR ESERLERİ 502 2012,
