Fâ‘ilâtün Fâ‘ilâtün Fâ‘ilâtün Fâ‘ilün(1)
1. Zâg-ı miskîdür beñi konmış İrem gülzârına
Âl tûtîdür lebi almış güher minkârına
2. Mâhî-i zerrîn gibi su içredür ‘aks-i hilâl
Tâ giriftâr ola şest-i turre-i tarrârına
3. Gonca-i handânı çok agzından öpdi bâd-ı subh
Medh okır gördi nigâruñ la‘l-i gevher-bârına
4. Nâ-gehân göz dikmesün diyü hayâli tıflına
Dizdi göz boncukların hem dîde müjgân târına
5. Gör harîm-i hüsn içre hâl-i ‘anber-fâmını
San Bilâl urdı yüzini Ka‘benüñ dîvârına
6. Tûtî-i hamrâ-yı çeşmüm dür döker söz yirine
Çün mukâbil eyleyem âyîne-i dîdârına
7. Hat degüldür fülfül-i hâlin nigâr idüp gubâr
Sayd içün Emrîyi saçmışdur gül-i ruhsârına
Prof. Dr. Mehmet A. Yekta SARAÇ, EMRÎ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3144 KÜLTÜR ESERLERİ 427
