Yüzüñi kim gördi kim ol zâr u hayrân olmadı (717/1)
Zülfüñe kim virdi göñlin ki_ol perîşân olmadı
Var-durur her rence dermân u kamu derde devâ (717/2)
Lîki bu derdüme binüm hîç dermân olmadı
Zülfüñüñ sevdâsı-y-ıla işbu dîvâne göñül (717/3)
Bende düşdi biñ kez ü bir kez peşîmân olmadı
Züflüñi dâm eylemiş gamzeñ dil ü cân almaga (717/4)
Böyle pür-dil dünyada câœû-yı fettân olmadı
Gözüñ ü yüzüñ bigi nergisle gül açılmadı (717/5)
Dişüñ-ile_agzuñ bigi yâkût-ı mercân olmadı
Niçe kim deryâ-yı Kulzüm cûş idüp urdı mevc (717/6)
Ahmedînüñ yaşı bigi bahr-ı c
Ummân olmadı
Gerçi kim oldı Süleymân ins ü cinne pâdişâh (717/7)
Lîki cûdı-y-la sehâda Mîr Sülmân olmadı
Dr. Yaşar AKDOĞAN, Ahmedî DÎVÂN https://ekitap.kulturturizm.gov.tr/Eklenti/10591,
