Yüzüñi bir dahı görsem senüñ iy yâr-ı cânâne (614/1)
Yoluñda akl u dîn ü dil fidî_dem baş u cân-âne
Ne gûherdür aceb vasluñ ki şavkından anuñ her dem (614/2)
Gözüm deryâsı kan mevcin irürdi bahr-ı c
Ummân Saçuñ bendinde göñlümi mukayyed gören eydür kim (614/3)
Ne müşkil ukdeye düşmiş bahuñuz bu perîşâna
Cemâlüñ gözden ırahsa hayâlüñ hoœ göñüldedür (614/4)
Zi devlet kim bu genc-ile imâretdür bu vîrâne
Kaşuñuñ yayı peyveste kazâ ohıdur atdugı (614/5)
Ciger yâ cân nice döysün eyit bu zahm-ı peykâna
Bahâr olduhda yañagun hayâsından kızarup gül (614/6)
Nice sarardı hicrüñden hazânda bah gül-istâna
Ne mercândur lebüñ kim cân bu mercâna olur teşne (614/7)
Ne reyhândur saçuñ kim akl olur hayrân bu reyhâna
Çü kej-rûdur felek bildüñ dürüst it bezm mîzânın (614/8)
Bugün kim râst irişdi güneş seyr-ile mîzâna
Bâna peymâne sun sâkî ko peymân şîşesi sınsun (614/9)
N’ola ger sinüñ elñden şikest irerse peymâna
Çemende câm-ı mey içüp işit Dâvûdi elhânı (614/10)
Çü yile varur itmegil heves mülk-i Süleymâna
Nigâr-istânların Çînüñ temâşâ itmek isterseñ (614/11)
Nazar kıl Ahmedînüñ sen bu nakş itdügi dîvâna
Dr. Yaşar AKDOĞAN, Ahmedî DÎVÂN https://ekitap.kulturturizm.gov.tr/Eklenti/10591,
