Fâ‘ilâtün Fâ‘ilâtün Fâ‘ilâtün Fâ‘ilün(1)
1. Yüzüñe saçsañ gül-âb olur ‘arak-nâk âfitâb
Âb-ı rûyuñdan irişür çeşme-i hurşîde âb
2. Gördi kanın içmek ister bâdenüñ ol la‘l-leb
Gör şu fettânı diyü sahbâya göz itdi habâb
3. Siz huzûrı ‘âlem-i rü’yâda görürsiz diyü
Sôfîyi uyutdı nakd-i ‘ömrin aldı düzd-i hâb
4. Şems-i rûy-ı dilber üzre zülf-i müşg-âsâya bak
Sâye-bân olmış-durur san Ahmed üstine sehâb
5. Mekke kulpı gibi tut Emrî kapusı halkasın
Saña ol dergâhdan olur olursa feth-i bâb
Prof. Dr. Mehmet A. Yekta SARAÇ, EMRÎ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3144 KÜLTÜR ESERLERİ 427
