Fâ‘ilâtün Fâ‘ilâtün Fâ‘ilâtün Fâ‘ilün(1)
1. Yüzüñe irişdi göñlüm zülf-i ‘anber-fâmdan
Ka‘beye bir gicede vardı sevâd-ı Şâmdan
2. Şûhlar çeşminde hey âfet hayâlin haddüñüñ
Kim temâşâ itse fark itmez gül-i bâdâmdan
3. Zülfi mi kaddine hem-ser yâ düşüp üstine gün
Sâye ˙âhir eyledi ol serv-i sîm-endâmdan
4. Cân lebe geldi ser-i zülfinde işitmiş didi
Hey kaçan gitmiş bu miskîn didüm ilk ahşamdan
5. Zülfi ucında görinse n'ola ruhsârı tamâm
Tâli‘ olur çünki mâh-ı bedr ilk ahşamdan
6. Pertev-i hurşîdi kasrında görüp kimdür didüm
Didi Emrî bir ışıkdur şimdi geldi câmdan
Prof. Dr. Mehmet A. Yekta SARAÇ, EMRÎ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3144 KÜLTÜR ESERLERİ 427
