Yüzüñ mukâbili bir gül çemende bulına mı (716/1)
Dişüñ muşâbihi bir dür Âden’de bulına mı
Lebüñ letâfeti dutgıl ki goncada bulına (716/2)
Tenüñ tarâveti hergiz semende bulına mı
Kaşuñ sevâdına anber bulınsa deryâda (716/3)
Saçuñ kohusına nâfe Hotende bulına mı
Cihân senüñ nefesüñden hayât buldı aceb (716/4)
Bu yümn-ile nefes iy cân Yemende bulına mı
Göñül kim ide perîşân saçuñ hevâsı anı (716/5)
Dahı karâr-ıla sabr aña tende bulına mı
Belâya dâm-durur zülfüñüñ kemendi senüñ (716/6)
Tolaşmamış göñül işbu kemende bulına mı
Egerçi teşne-durur mürg-i cân lebüñe aceb (716/7)
Bir Ahmedî bigi tûtî bu kanda bulına mı
Dr. Yaşar AKDOĞAN, Ahmedî DÎVÂN https://ekitap.kulturturizm.gov.tr/Eklenti/10591,
