Yüzüñ görmiş yine miskîn saçuñ âşüfte-hâl olmış
Perîşân eylemiş kendün bükilmiş kaddi dâl olmış
2. Kemân kaşuñ gamını çekmeden bir ay tamâm ey yâr
Mehi gördüm bu gice cismi incelmiş hilâl olmış
3. Ruh-ı dil-dârı kabz itmiş bir iki kara yüzlüler
Kiminüñ adı kâküldür kiminüñ hatt u hâl olmış
4. Şu deñlü nâzük imiş ol gülüñ rengîn yanagı kim
Hayâli çeşm-i hûnînümde turmag-ile âl olmış
5. Miyânuñ orta boylu bir güzeldür ol da ‘ışkuñda
Ten-i Emrî gibi cânâ kıla dönmiş hayâl olmış
Prof. Dr. Mehmet A. Yekta SARAÇ, EMRÎ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3144 KÜLTÜR ESERLERİ 427
