Yüzi nev-rûzumuz şükrin idemedük zi noksânî (621/1)
Saçı gicemüzüñ kadrin bilimedük zi nâdânî
Dün andan bir dem ayrılsam düşerdi cânuma âteş (621/2)
Bu gün andan ırah diri yürürem zî girân cânî
Gözümle hâb arasında Siyâvuş kanıdur düşmiş (621/3)
Neden dirsin kanı uyhuñ görürken aradan kanı
Bu gün bir şûreye düşdük ki ider zehr tiryâkî (621/4)
Hızır bigi içerken dün lebinden âb-ı hayvânı
Añup ol rûzigârı kim görürdüm yüzin aglaram (621/5)
Nite kim nâle_ider bülbül añup tâze gül-istanı
Anuñ zülfi hevâsında belâya mübtelâ oldum (621/6)
Bu müşkil kim sora gelmez kimesne bu perîşâni
Baña dirler niçe aglarsın yüregüñ kanın akıtma (621/7)
Degülem Nûh pes nice ideyim def tûfânı
Sabâya cân ilet tuhfe didüm ol zülfe eydür kim (621/8)
Ni-ger tâ halka-i ikbâl nâ-mümkin ne-cünbânî
Beşâret virene anuñ visâlin cân virem müjde (621/9)
N’ola biñ cân fidî itse dileyen kişi cânânı
Tabîbe derdümi didüm didi kim Ahmedî sabr it (621/10)
Bu derde sabrdur çâre dahı yok hîç dermânı
Felek ne nakş itdi kim elümden çıhdı dîvânum (621/11)
Ki câna heykel itmişlerdi cümle ehl-i dil anı
Siyâh it defterin Yâ-Rab dürüben ömri tûmârın (621/12)
Sen ol dîvâne dîvüñ kim elümden aldı dîvânı
Seher yili ki cânlar hüdhüdisin bu karıncadan (621/13)
Yir öp görseñ Süleymân-ı zemâne Mîr Sülmânı
Dr. Yaşar AKDOĞAN, Ahmedî DÎVÂN https://ekitap.kulturturizm.gov.tr/Eklenti/10591,
