53
Mefâ‘îlün Mefâ‘îlün Mefâ‘îlün Mefâ‘îlün
1 Yüzi mushaflaruñ her dem hayâli dilde peydâdur
Bu göñlüm câmi‘-i ışk içre san sandûk-ı eczâdur
2 Satar kendüni dirhem dirhem ey dil Yûsuf-ı Mısrî
Diyelden ol nigârı Yûsufa mânend ü hem-tâdur
3 Didüm iller görür âyîne-i ruhsâruñı cânâ
O meh didi safâñ var ise gör ‘âlem temâşâdur
4 Ser-i zülfüñ bizümle el ucıyla merhâba itmez
Anuñçün bu dil-i şûrîde dâyim böyle şeydâdur
5 Müzellef tek güzeller sûreti ‘aksiyle bu eşküm
Deñiz mâlikleri oynar hemâna Sun‘i deryâdur
YRD. DOÇ. DR. HALİL İBRAHİM YAKAR, GELİBOLULU SUN‘Î DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3197 KÜLTÜR ESERLERİ, Gaziantep
