- - . / . - - . / . - - . / . - -
1.Yir yir görinür sâgar-ı Rahşân-ı harâbât
Döndi kafes-i zer-gere vîrân-ı harâbât
2.Dil minnet ile hân-kah-ı pîre varur mı
Başına yıkılmadı ya eyvân-ı harâbât
3.Yanında sürâhîsi pür oldukca ne gam yir
Dervîş-i gedâ kim ola mihmân-ı harâbât
4.Yandurdı ‘arak her tarafa sâki-i meclis
Pür-şevk yine gûşe-nişînân-ı harâbât
5.Çok bekledüñ olmadı mı insâf ‘Atâyi
Virmez mi icâzet dahi pîrân-ı harâbât
Saadet KARAKÖSE, NEV’Î-ZÂDE ATÂYÎ DÎVÂNI, Malatya 1994
