Gazel
fâ’ilâtün / fe’ilâtün / fe’ilâtün / fâ’lün
Yine bî-çâre gönül hasretle yâre gider
Dil ü cân şevkini arz itmege dil-dâra gider
Sünbülden sanemâ şemme-i bûy almagiçün
Müşg ü sevdâya düşüb kulbe-i ‘attara gider
Taġılur lâle ruhun üstine hâl-i siyehüm
Sanki Hindû beçe gül dermeğe gülzâra gider
Goncana gerçi gönül cem’ oluban derdi dili
Göreli sünbül-i gül-pûşını sad-pâre gider
Doldurur hakka-i yâkûta lebün gül-şekeri
Ya’ni dil-hastelerün derdine timâra gider
Şiveler satub u cân almaġa azm itdi gözün
Görün ol mest-i harâbâtı ki bâzâra gider
Tûti-i bâg-ı sühan Ahmedi şîrîn güftâr
Her nefes cân atub ol la’l-i şeker-i bâra gider
