1. Yine bâlîn-i hâb-ı işve zîr-i ser midir bilmem
Henüz ol tıfl-ı nâzım nakş-ı gül-bister midir bilmem
2. Perîşân oldu gitdi nağmeler gördükçe gîsûsun
Meger mutrıb da ol zencîre der-çenber midir bilmem
3. Müdâvâ-yı dil-i mecrûha bür'ü's-sâ‘adır el-hak
Zülâl-i la‘l-i hatt-âverdi nîlüfer midir bilmem
4. Bilinmez ölmedikçe kadri isbât-ı vücûd etmez
Mihekk-i nakd-ı âşık âhenin hançer midir bilmem
5. Heman ben meclis-i meyde senin hayrânınam sâkî
Hazef mi gördüğüm âyîne mi sâgar mıdır bilmem
6. Dimâğ-ı cânı reşk-i bender-i Çîn eyledi cânâ
Şemîm-i gîsûvânın genc-i bâd-âver midir bilmem
7. Nedîm el-hak aceb şîrîn edâsın vasf-ı la‘linde
Elinde hâme-i ma‘nî mi ney-sükker midir bilmem
MACİT, Muhsin, Nedîm Divanı, Akçağ Yayınları, Ankara 1997.
https://ekitap.kulturturizm.gov.tr/Eklenti/10635,nedim-divanipdf.pdf?0
