Yil niçe kim deprene zülfüñdeki bend-ile çîn (520/1)
Toldurur uçdan uca magzın hevânuñ müşg-i Çîn
Şâh-ı hûbân kim güneş-durur görürse ol ruhı (520/2)
Şöyle kim ferzin hayâsından girü döne kıçın
Rûhdandur nâzügirek işbu ten kim sende var (520/3)
Pes saña kimdür diye kim berg-i gülden ton biçin
Ger dilerseñ kevâkib ucdan uca muhterik (520/4)
Yanâguñuñ tâbişinden ol nikabuñı açın
Sehv-ile itdi meger sünbül teşebbüh zülfüñe (520/5)
Virdiler ol bî-edeblikden yile anuñ saçın
515
Nergis-i ranâ gözüñe ger teşebbüh itdi-se (520/6)
Bî-basardur n’eylesün bagışlagıl anuñ suçın
Ahmedînüñ gül yañaguñ fürkatı lâle-sıfat (520/7)
Kana boyadı taşın u karara yahdı için
Dr. Yaşar AKDOĞAN, Ahmedî DÎVÂN https://ekitap.kulturturizm.gov.tr/Eklenti/10591,
