Mefâ’îlün/ Mefâ’îlün/ Mefâ’îlün/ Mefâ’îlün
Hezec: . - - - / . - - - /. - - - / . - - -
1 Yeter cevr eyledün rahm eyle ey bî-dâd cândur bu
Sana da cevr ider bir bî-vefâ bir gün cihândur bu
2 Beni evvel nazarda mûyi âteşde [na’l]-veş kıldun
Nasıl perçem nasıl kâkül belâ-yı âsmândur bu
3 Sen insâf it bu cevri çekmenün hîç var mı imkânı
Eger var ise sultânum berây-ı imtihândur bu
4 Tegâfüller tecâhüller sitemler bî-vefâlıklar
Eger gâhîce olsaydı ne mâni’ her zamândur bu
5 O meh va’d-i visâl itmiş işitdüm Yâver'e ammâ
İnanmam i’timâd itmem ki gerçekden yalandur bu
Dr. Kaplan ÜSTÜNER, ENDERUNLU HASAN YÂVER DİVAN [İnceleme-Metin-Çeviri-Dizin], https://ekitap.kulturturizm.gov.tr/Eklenti/10608,enderunlu-hasan-yaver-divanipdf.pdf?0
