Nə oyunlar açdılar,
Başına bu Vətənin.
Yüz il qabaqkı xalqdı,
Durub, dayanıb həmin.
 
Yenə həmin oğullar,
Əzab çəkirlər yenə.
Nə yatanlar oyandı,
Oyaqlar qalxmadı, nə...
 
Burda həyat məhbəsdi,
Orda məhbəs həyatı.
Kimlərin əlindədi,
Kimin müqəddəratı.
 
Nə millətdə insaf var,
Nə başçıda mürüvət.
İmansızlar əlində
İnildəyir məmləkət.
 
Hələ harasıdı bu?
Hara üz tutub zaman?
...Könlümə nələr düşdü,
Yenə darıxdım yaman.