Yârun cefâ-yı gamzesi cânumda yaradur
Âh u firâk elinde ciger pâre pâredür
Yârun gamında agrıma ey dil cefâsına
Kılgil vefâ ki cevri anun bî-şümâradur
Mahşer güninde meskeni dârü’l-hulûd imiş
Ol âbidün ki kıblesi ruhsâr-ı yâradur
Kanumdan esrüdi çün anun fitne gözleri
Cânun hemîşe meyli o çeşm-i humâradur
5. Yâ Rab nedür ki gönlüm irişmez visâline
Peyveste dâg-ı hasreti bağrumda yaradur
Kim ki bu yolda ışka mürîd oldı ey refîk
Seminde ârifün nefesi gûşvâredür
Çün zerredür Hakîkî anun hüsni âfitâb
Meh-tâb çevresinde niçük kim sitâredür
CİHÂNŞÂH HAKÎKÎ’
Muhsin Macit, Karakoyunlu Cihanşah'ın Türkçe Şiirleri, Kültür ve Turizm Bakanlığı Kütüphaneler ve Yayımlar Genel Müdürlüğü, Ankara 2017, ISBN: 978-975-17- 3631-4 Ana Yayın Numarası: 3368
