Yārānı ŝōfí ŝavma_aya da_vet itmesün
Rıšl-ı girān elinde iken ĥıffet itmesün
 
Ġamzeñ bitürdi işümi şimden girü beni
Ķurtarmaġa belādan ecel minnet itmesün
 
Dirilmek içün anda da senüñ belā-keşüñ
_Işķuñ ġamıyla ölmez isem raģmet itmesün
 
Naŝŝ ile vācib oldı meyüñ ģürmeti bize
Zāhidlerüñ elinde ise ģürmet itmesün
 
Naķķāş-ı Çín ki ŝūret-i dil-keş yazar geçer
Göñlini saña virüp anı ŝūret itmesün
Sürdi çıķardı Cennet-i kūyından ol mehüñ
Ādem raķíb-i díve nice la_net itmesün
 
Ķonduķ çü zülfi gölgeliginde o meh-ruĥuñ
Diñ kārvān-ı _ömre igen sür_at itmesün
 
Dil-ber yüzine gül dir imiş _andelíb-i bāġ
Yüz virmesün igende güle nisbet itmesün
 
Cām-ı cihān-nümā ile Cem-şíd-i vaķt ider
Pír-i muġāna kişi nice ĥıdmet itmesün
 
Ķabrümde bilece dirilüp mūnis olmaġa
Derd ü ġamuñla ölmez isem zaģmet itmesün
 
Dirler ki ża_fı ġālib olupdur Necātínüñ
Dil-ber yolında ölmek içün _illet itmesün
 
Mef*ūlü fā*ilātü mefā*ílü fā*ilün
 
Muzāri*: --+ -+-+ +--+ -+-
 
https://www.turkishstudies.net/sayilar/sayi15/3aslan%C3%BCzeyir.pdf