Fâ‘ilâtün Fâ‘ilâtün Fâ‘ilâtün Fâ‘ilün
                                                           
1 Yâr yâr olsun da a‘duv bildüginden kalmasun
İtmezüz terk-i temâşâ bildüginden kalmasun
 
2 Kayd-ı zülfünden dil-i şeydâ asılsa geçmezüz
Biz de yokdur gayr-ı sevdâ bildüginden kalmasun
 
3 Sûz ile sîb-i zenahdânında hâmın almışuz
Gamze-i nâ-puhte cânâ bildüginden kalmasun
 
4 Efser-i hurşîdi virse ser-fürû eyler miyüz
Şimdi çarh-ı sifle aslâ bildüginden kalmasun
 
5 Didi bilmezlikle sordum hâlin Âgâhun o mâh
Bu gün oldı lutfı ferdâ bildüginden kalmasun
 
 
Dr. ŞERİFE AKPINAR’ ÂGÂH (Semerkândî-i Âmidî) DÎVÂN, KÜLTÜR VE TURİZM BAKANLIĞI KÜLTÜR ESERLERİ 502  2012,