MefǾūlü FāǾilātü MefāǾįlü FāǾilün
1 Yār lebüň ile düşdi göňül arzūlara
Mānend-i mey döküldi sebūdan sebūlara
2 Ol servinüň arzū iderek pāy-ı būsını
Śu oldı śaĥn-ı bāġda dil aķdı cūlara
3 Ol çįn-i cephe dest-res-i iltifāt iken
Müşkildür intisāb-ı göňül tünd-ħūlara
4 Güm-kerde-i reh-i Ǿadem olsa delįl olur
Mānend-i keh-keşān-ı sefįdi dü-mūlara
5 Bį-tāb-ı derd-i hecr olur elbette ey göňül
ǾĀlemde şimdi ülfet iden müşk-būlara
6 Nažmumla germ olur yine bāzār-ı maǾrifet
Kālā-yı nev-revāc virür çāre sūlara
7 Şāyeste-i nažįre midür Ĥāmiyā Ǿaceb
Bu nev-zemįn ü tāze-edā tāze-gūlara
Diyarbakırlı Hâmî Ahmed Hayatı
KAYNAK: Dr. Kadri Hüsnü YILMAZ, DİYARBAKIRLI HÂMÎ AHMED DİVANI, Ankara 2017
