1 Yakdun sarây-ı kalbümi bir külhen eyledün
Urdun derûna dâglarun gülşen eyledün
2 Firkat şebinde kalmış idüm fikr-i vasl ile
Mihr-i ruhunla cân u dilüm rûşen eyledün
3 Mahzûn iken firâk-ı cemâl ile ey hayâl
Gam-hâne-i derûnuma geldün şen eyledün
4 Ey ‘aşk ülfetün ile hâlüm harâb olup
Rüsvâ beni bu ‘âleme bak hep sen eyledün
5 Sabr u karâr u ‘akl u dili Yâverâ kodun
Semt-i habîbe sen de varup mesken eyledün
Dr. Kaplan ÜSTÜNER, ENDERUNLU HASAN YÂVER DİVAN [İnceleme-Metin-Çeviri-Dizin], https://ekitap.kulturturizm.gov.tr/Eklenti/10608,enderunlu-hasan-yaver-divanipdf.pdf?0
