198.
- . - - / - . - - / - . - - / - . –
1.Yakdı gül pîrâheni bir sâgar-ı zer şevkine
Oldı dil-keş nagmeler gülşende güller şevkine
2.Hırka-pûşân şu‘le-i câmı görüp pervâne-vâr
İtdiler perrendelük meclisde sâgar şevkine
3.Mihre karşu mâh-ı bedr-âsâ şeb-i meh-tâbdan
Tolular kaldurdılar ‘uşşâk-ı dil-ber şevkine
4.Yandurup sâkî ‘arak bir bir görüşdiler yine
Cem‘ olup ‘âşıklar ol şem‘-i münevver şevkine
5.Başına gün togdı ahbâbuñ ‘Atâyî zerre-vâr
Raks iderler dâver-i ferhunde-ahter şevkine
Saadet KARAKÖSE, NEV’Î-ZÂDE ATÂYÎ DÎVÂNI, Malatya 1994
