Fe‘ilâtün Fe‘ilâtün Fe‘ilâtün Fe‘ilün
1 Var mı ol şûha bu gün şehrde benzer diyecek
Hüsnüni vasf idecek tâze gazeller diyecek
2 Hüsn-i ahlâkı hoş âyende vü etvârı zarîf
Cümle a‘zâsı letâfetde berâber diyecek
3 Oldı bir mertebe leb-teşnelerün kesreti kim
Leb-i la‘lîni hemân çeşme-i kevser diyecek
4 Mihnet-âbâd-ı cihân cây-ı ferahdur dime kim
Şebine şâm-ı ‘adem rûzına mahşer diyecek
5 Görmedüm ben ki o şûhun siteminden gayrı
Ehl-i dilden kim ola lutfına mazhar diyecek
6 Düşse mir’ât-ı dile ‘aks-i ruhı dildârun
Görinür şöyle ki bir rûh-ı musavver diyecek
7 Yâr-ı Âgâh-ı dil-efgârı su’âl eyler ise
Söylen ahvâl-i perîşânı mükedder diyecek
Dr. ŞERİFE AKPINAR’ ÂGÂH (Semerkândî-i Âmidî) DÎVÂN, KÜLTÜR VE TURİZM BAKANLIĞI KÜLTÜR ESERLERİ 502 2012,
