Fâilâtün fâilâtün fâilâtün fâilün
1 Cûş edip geldikce mevce bu dil-i deryâ-yı aşk
Her sözüm gûyâ olur bir güher-i yektâ-yı aşk
2 Deşt-i kudsî istemem arz etmesin Mecnûn bana
Lâle-i dâğımla sînemdir benim sahrâ-yı aşk
3 Sâgar u sahbâya hâcet mi leb ü la'lin gibi
Var iken sâkî bana câm u mey-i hamrâ-yı aşk
4 Dil harâb olmuş ise aşkıyla yârin gam değil
Cây-ı vîrândır mahall-i genc-i dirhemhâ-yı aşk
158
5 Ser-firâzım safha-i âlemde hakkâ cümleden
Kıldı müstesnâ beni âlâ-yı istisnâ-yı aşk
6 Eylesem ebhâs kâf-ı lâ-mekândan vechi var
Pestden pervâz eder mi bâl açıp ankâ-yı aşk
7 Ehl-i aşka ta'n edersen zâhidâ ma'zûrsun
Bildiğin âlem değildir âlem-i vâlâ-yı aşk
8 Aşkdan bahsetmek olmaz kâl ile Meşhûriyâ
Kâlıb-ı elfâz olur mu kâbil-i ma'nâ-yı aşk
Yaşar AYDEMİR-Halil ÇELTİK, MEŞHURÎ DİVANI (Tenkitli Metin), T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3196 KÜLTÜR ESERLERİ, Ankara 2009
