Müstef`ilün müstef`ilün müstef`ilün müstef`ilün
1 Urdun cefâ taşın dile dîvâne mi sandun beni
Zencîrüne bend eyledün uslana mı sandun beni
2 Ma`mûr idüp mülk-i dili yapmadun eski menzili
Ta`mîre kâbil olmayan vîrâne mi sandun beni
3 Ihsâna dermân yok didün gayrı güzeller çok didün
Her şem`-i bezme tolaşur pervâne mi sandun beni
4 Feryâdumı işitmedün râh-ı vefâya gitmedün
Bir âşinâlık itmedün bî-gâne mi sandun beni
5 Yahyâ'ya eylersin cefâ feryâdın anlarsın hevâ
Sâkî mey-i engûr ile mestâne mi sandun ben
Hasan KAVRUK , ŞEYHÜLİSLAM YAHYÂ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3147
