492-
Fâ`ilâtün Fâ`ilâtün Fâ`ilâtün Fâ`ilün
1 Turmaduñ peymâna içdüñ gayr ile peymâneyi
Bilmedüñ yolsuzluk itdüñ hürmet-i mey-hâneyi
2 Gayr ile ey şem`-i bezm-ârâ görürdük itdügüñ
Bezm-i gamda nâr-ı gayretdür yakan pervâneyi
3 Uyku almış mest iken yârân koyup gitmiş beni
Gösterüñ Allâh içün bilmem reh-i mey-hâneyi
4 `Aklum aldı bir perî vâ`iz kerem kıl söyleme
Diñlemez dîvâne olan degme bir efsâneyi
5 Vâ`iz olmışdur Ziyâ’î müjde ey pîr-i mugân
Âşikâr itmek gerekdür gül gibi peymâneyi
Dr. Müberra GÜRGENDERELİ, MOSTARLI HASAN ZİYÂ’Î DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3195 KÜLTÜR ESERLERİ
