Mefâ`ilün fe`ilâtün mefâ`ilün fe`ilâtün
1 Tolı piyâle elinde şarâb-ı nâb gözinde
Degül o mâhveşün çarh u âftâb gözinde
2 Şişüp kabarması var hayli devr-i sâgar-ı meyde
Habâbun anlamazın ola nüh kıbâb gözinde
3 Ne bakdı kadd-i dü-tâma ne gönlümi ele aldı
Ne tıfl olur ki hakîr ola şeyh ü şâb gözinde
4 Kimün huzûrunı uçurmadı o gözleri şeh-bâz
`Aceb mi haste-i `aşkun uçarsa hâb gözinde
5 Gelür mi `aynına nergislerün çemende nazar kıl
Bu denlü eşk-i firâvân ki var sehâb gözinde
6 Gönülde sabrı dükendi gözünde yaş ise bî-hadd
Belâlı `âşık-ı zârun hemân hesâb gözinde
7 Efendi zâhir u bâtın diler kulun ola Yahyâ
Kapuna yüz sürer âteş dilinde âb gözind
Hasan KAVRUK , ŞEYHÜLİSLAM YAHYÂ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3147
