Fe`ilâtün fe`ilâtün fe`ilâtün fe`ilün
1 Tolaşup kâkül-i anber-şiken-i cânâne
Ne kadar hâtır-ı mahzûna tokandı şâne
2 Bu kadar dilleri mecrûh u perîşân itme
Degme ey şâne o gîsû-yı `abîr-efşâne
3 Işigin bekleyelüm ey dil-i şeydâ yârün
Kays yetmez mi bize gitmeyelüm yâbâne
4 Çünki geldün hele bir pâre tur ey nâvek-i yâr
Aşinâ olmadan olmak ne revâ bî-gâne
5 Dil-i Yahyâ'ya nice sıgsa gerek bunca gumûm
Yâr bilmez mi `aceb teng idügin gam-hâne
Hasan KAVRUK , ŞEYHÜLİSLAM YAHYÂ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3147
