66.
. . - - / . . - - / . . - - / . . –
1.Tokınup şâha sabâ berg-i gül-i ter dökülür
Nitekim ditrese mahmûr eli sâgar dökülür
2.Agız açsa söze biñ nâz ile ol gonca-dehen
Hokka-ı teng feminden dür ü gevher dökülür
3.‘Asker-i fitne dil almag içün iki kul olur
İki yanına ki ol zülf-i mu‘anber dökülür
4.Katre-bâr itdi geçüp yâr hayâli gözden
Şâh sür‘at idicek yollara ‘asker dökülür
5.Müşk-bâr oldı ‘Atâyî hatı vasfında kalem
Rîgdândan nitekim hurde-i ‘anber dökülür
Saadet KARAKÖSE, NEV’Î-ZÂDE ATÂYÎ DÎVÂNI, Malatya 1994
