Fâ‘ilâtün Fâ‘ilâtün Fâ‘ilâtün Fâ‘ilün
 
 1 Teşneyem la‘l-i leb-i cânâna itmem ser-fürû
 Hızram ammâ çeşme-i hayvâna itmem ser-fürû
 
 2 Sâgar-ı zerrîn-i mihr ü mâhı alsa destine
 Çün sürâhi sâkî-i devrâna itmem ser-fürû
 
3 Katre-i nâçîzem ammâ evc-i rif‘atdür yerüm 3a
Dürr-i yektâ itse de ‘ummâna itmem ser-fürû
 
 4 Pâk dâmân olmayınca eşk-i şebnemden bile
 Bülbülâsâ her gül-i handâna itmem ser-fürû
                                                           
5 Olmayınca sâde çîn-i cebheden Âgâhveş
 Sanma mihrâb ebrû-yı hûbâna itmem ser-fürû
 
Dr. ŞERİFE AKPINAR’ ÂGÂH (Semerkândî-i Âmidî) DÎVÂN, KÜLTÜR VE TURİZM BAKANLIĞI KÜLTÜR ESERLERİ 502  2012,