Tercî‘-i Bend
I
Fâ‘ilâtün fâ‘ilâtün fâ‘ilâtün fâ‘ilün
1 Dest-i kudretden o dem kim böyle mey-nûş olmuşuz
Anıñ içün bu fenâda mest ü medhûş olmuşuz
2 ‘Âlem-i vahdetde yek-reng olmuş idik ‘aşk ile
Şimdi kesretde ‘anâsırdan kabâ-pûş olmuşuz
3 İtmeyüz çok da temâyül mâl ü câh u devlete
Neş’e-i câm-ı ezelden öyle ser-hûş olmuşuz
4 Bir libâs ü bir gıdâdur derd-i serden ne çıkar
Endek ü bisyârını dehriñ ferâmûş olmuşuz
5 Yok durur dâd u sitedden behremiz bu ‘arsada
Şi‘r ü hikmet söylemekle böyle pür-cûş olmuşuz
216
6 Çünki oldur cân ile ten kişveriniñ dâveri
Cümleden giçüp olalım şâh-ı ‘aşkıñ çâkeri
II
1 Gûşa gelür kâ’inâtıñ cümlesinden bu sadâ
Evvel âhir çünki yokdur ol Hudâdan mâ-‘adâ
2 ‘Âlemi kılmış ihâta dil-ber-i şîrîn-edâ
Çeşm-i cânı hayf kim tutmuş gubâr-ı mâsivâ
3 Aç gözüñ ‘ibretle bir bak mülk-i ‘aşka ser-te-ser
Bir durur bu mülk-i ‘aşkda cümle sultân u gedâ
4 İster iste isteme encâm olursın hâk-i pâ
H
v
âh-nâ-hv
âh cân u tendür ‘âkıbet Aña fedâ
5 Âyine kılmış dili komuş mukâbil vechine
Tâ ki ‘âşıklar göre âyînede vech-i Hudâ
6 Çünki oldur cân ile ten kişveriniñ dâveri
Cümleden giçüp olalım şâh-ı ‘aşkıñ çâkeri
III
1 Bunca ki kaldıñ cihânda neye irdiñ söylegil
Bunca ki gezdiñ yürüdiñ yediñ içdiñ söylegil
2 Virüp aldıñ uyudıñ gezdiñ cihânda serserî
H
v
âb-ı gafletden açabildiñ mi göziñ söylegil
59a 3 Ya çerâ-gâh mı zan itdiñ kişver-i ‘aşkı hele
Çâr-pâ mısın ya âdem togrı hâliñ söylegil
4 Nefsiñe magrûr olup hem bâda virdiñ ‘ömriñi
Hakka mı isnâd idersin cümle kubhıñ söylegil
5 Bir kere im‘ân ile bak tavrıña ey nefs-i şûm
Böyle midür bî-vefâ Hakla ‘uhûdıñ söylegil
6 Çünki oldur cân ile ten kişveriniñ dâveri
Cümleden giçüp olalım şâh-ı ‘aşkıñ çâkeri
217
IV
1 Bir gün olasın ola hâk ile yek-sân ‘âkıbet
Nâm u şânıñ ‘âlem içre bula nisyân ‘âkıbet
2 Hayret ile gidesin bezm-i fenâdan âh ile
Ola mâlıñ vârisân destinde mihmân ‘âkıbet
3 Var ise elde hasâset itme yohsa ba‘dehû
Hânümânıñı olur iller nigeh-bân ‘âkıbet
4 Yanıña kalur sanursın itdigiñ zulm ü fesâd
Sorılur nîk ü bediñden rûz-ı dîvân ‘âkıbet
5 Gâh şeb‘ân geh gürisne baglama bil devlete
Güm ider âhir seni bu çarh-ı devrân ‘âkıbet
6 Çünki oldur cân ile ten kişveriniñ dâveri
Cümleden giçüp olalım şâh-ı ‘aşkıñ çâkeri
V
1 ‘Ârif-i ‘âgâh olagör bakma halkıñ hâline
Bu cihân âlâyişine bakma nâsıñ mâline
2 Dime kim yokdur elimde sîm ü zerle elbise
Kıl kanâ‘at bakma hergiz şeyh (ü) şâbbıñ kâline
3 Câhilâne gayret ile düşme nefs çengâline
Olma sen aslâ girifte bu zamânıñ zâline
4 Añlar iseñ zâl-i dünyânıñ derûnı zehrdür
Bakma anıñ zîver (ü) hüsnine zülf ü hâline
5 Bir durur ‘ârif yanında ola semmûr u ‘abâ
Döşi mukbildür anıñ semmûre dehriñ şâline
59b 6 Çünki oldur cân ile ten kişveriniñ dâveri
Cümleden giçüp olalım şâh-ı ‘aşkıñ çâkeri
218
VI
1 Kimseden umma vefâ gel tutagör öz başıñı
Eyleme âzürde aslâ dil90 gibi sırdaşıñı
2 Kendiñe yâr ol hele sen meyl-i hûbân itme hîç
Sâde-rûyâna sakın oynatma göz ü kaşıñı
3 Meyl-i sûret eyleyüp gavgâya salma sen seni
Çalma gel mir’ât-ı kalbe şehvet ile taşıñı
4 Çeşm ü kaş ile müje fem cümle sûret nakşdur
Nakşa bakarsan da bârî fikr kıl nakkâşıñı
5 ‘Ârızî hüsn içün ey dil zâr u efgân eyleme
Döker iseñ ‘aşk içün dök bârî gözün yaşıñı
6 Çünki oldur cân ile ten kişveriniñ dâveri
Cümleden giçüp olalım şâh-ı ‘aşkıñ çâkeri
VII
1 İhtilât-ı nâs idersen râzıñ açma sâmit ol
Râza mahrem bulamazsın gâfil olma sâkit ol
2 Her neye baksañ cihânda bir eser var ‘aşkdan
Seyr-i cânân idemezseñ hâl-i ‘aşkı nâ‘it ol
3 Diñle ehlu'llâh kelâmın kec-rev olma dilde tut
İstikâmet var dilinde sâdık u hem sâbit ol
4 Her hevâya uymayup gel künc-i sabrı bekle hem
Mâyeyi pûsîde itme bâg-ı ‘aşkda nâbit ol
5 İhtiyâr u cebrde çokdur makâlât-ı kelâm
Emr ü nehye tut kulagıñ kavl-i Hakka kânit ol
6 Çünki oldur cân ile ten kişveriniñ dâveri
Cümleden giçüp olalım şâh-ı ‘aşkıñ çâkeri
90 “dil” kelimesini “del(i)” şeklinde almak da mümkündür.
219
VIII
1 Uyma gel bu nâkıs ‘akla ‘aşkı añla ‘aşka uy
Düşme evhâm u hayâle ‘akldan giç ‘aşka uy
60a 2 ‘Âr u nâmûs u desîse bil ki ‘aklıñ şânıdur
‘Âşıka reh-zen ‘akıldur ‘aşkı iste ‘aşka uy
3 ‘Akla uyanlar dem-â-dem muztarib hâl oldılar
İnkılâba düşme ey dil ‘aşkı fehm it ‘aşka uy
4 Bir ma‘âş içün bu deñlü vesveseyi n'itmeli
Yorılup kalma göñül boşla ‘akılı ‘aşka uy
5 Niçe ‘âkiller ‘ikâle düşdiler bu ‘akl ile
Salma kendiñ vartaya sen gâfil olma ‘aşka uy
6 Çünki oldur cân ile ten kişveriniñ dâveri
Cümleden giçüp olalım şâh-ı ‘aşkıñ çâkeri
IX
1 Esb-i ‘akla biz dahi bir niçe dem olduk süvâr
Viremedik bir netîce eyledik geşt ü güzâr
2 Niçe büldânı tolandık eyledik terk-i diyâr
Yidik içdik ârzû-yı nefs ile leyl ü nehâr
3 Et‘ime vü eşribe dikkat itseñ bed-güvâr
Sîm ü zer aldık ele hâlis ‘ayâr u kem-‘ayâr
4 Vâdî-i gurbetde kıldık hayli demler âh u zâr
Bulmadık bir kimseden derd-i derûna bir medâr
5 ‘Akl ise bed-kîş ü nefs-i şûm ise bir nâ-bekâr
Olamadık bunlar ile hâsılı hîç kâm-kâr
6 Çünki oldur cân ile ten kişveriniñ dâveri
Cümleden giçüp olalım şâh-ı ‘aşkıñ çâkeri
220
X
1 Ta‘n idemem kimseniñ hâline Allâh ey' bilür
Cümleniñ kalbini ‘âlim nâsı va'llâh ey' bilür
2 Sen gerek gizle gerekse eyle ifşâ râzıñı
‘Âlem-i gayb u şehâdet seni bi'llâh ey' bilür
3 Var mıdur bir nesne kim ya olmaya ‘ilmi muhît
Akrebînden akreb oldur hâli ta'llâh ey' bilür
4 Kimi ‘âşık kimi zâhid kimi fâsık kimi yâr
Sârif olan cümleyi sarrâf-ı âgâh ey' bilür
60b 5 Arz-ı mebsûta bakup seyr eyle şehler hâlini
Başlarını hum iden Kâdir-i şehen-şâh ey' bilür
6 Çünki oldur cân ile ten kişveriniñ dâveri
Cümleden giçüp olalım şâh-ı ‘aşkıñ çâkeri
XI
1 Hayret-i ‘aşk ile şimdi hânede oldık mukîm
Tutmuşuz pây-i kanâ‘at hâlimizdür müstakîm
2 Görelim ne göster(ür) Allâhu Rahmân u Rahîm
Şâh-ı ‘aşk imdâdına nâzır durur kalb-i selîm
3 Yiye içe har misâli zânn ide lezzet budur
Ni‘met-i ‘irfânı zâhid bile ‘âlemde nakîm
4 Hep suver akdâhıdur hâli dîger-gûn eyleyen
Kâlıba bakma eger oldıysa kalbiñ müstakîm
5 Semt-i ‘aşka virmişüz dil fülkini bu bahrde
Esmeye nefsiñ hevâsıyla dile bâd-ı ‘akîm
6 Çünki oldur cân ile ten kişveriniñ dâveri
Cümleden giçüp olalım şâh-ı ‘aşkıñ çâkeri
221
XII
1 Fahr-i ‘âlem kim kamunuñ reh-beridür şübhesiz
‘Arsa-i mahşer şefâ‘at-güsteridür şübhesiz
2 Seyf ile Furkân ile açdı bu dîn iklîmini
Hem hakîkat hem şerî‘at zîveridür şübhesiz
3 Yaykadı ‘âlemde niçe hâne-i kütb-i milel
Kutb olanlar pâyınıñ bir çâkeridür şübhesiz
4 Bahr-i zâtıñ fülkine mellâh olan oldur ki ol
Şâh-ı mürseldür ‘ulûmuñ mahzenidür şübhesiz
5 Ola enfâsım ‘adâdınca salât ile selâm
Her dü-‘âlem müznibîniñ melce’idür şübhesiz
6 Çünki oldur cân ile ten kişveriniñ dâveri
Cümleden giçüp olalım şâh-ı ‘aşkıñ çâkeri
XIII
61a 1 Hayf kim kaldıñ dilâ bu dâm-ı dehr içre zebûn
Niçe sâlik kat‘-ı menzil eyledi sen ser-nigûn
2 Ne felâketler getürdi başıma bu çarh-ı dûn
‘Ömrimi yile virüp itdi baña dürlü füsûn
3 İntikâmımı alur senden o ‘aşk-ı reh-nümûn
İmtinânıñdan halâs eyler o zât-ı pür-şu’ûn
4 Bî-vefâ îcâd kıldı Hak seni ez-kâf u nûn
Ehl-i dil çeksün sitemler sen hemân döndükçe dûn
5 Bir karâra mı gidersin sende var mı hîç sükûn
Gerdişiñle niçe erbâb-ı kulûbuñ bagrı hûn
6 Çünki oldur cân ile ten kişveriniñ dâveri
Cümleden giçüp olalım şâh-ı ‘aşkıñ çâkeri
222
XIV
1 ‘Urvetü'l-vüskâ olan şer‘a yapış a‘zârı ko
Enbiyâ râhını izle zann ile pindârı ko
2 Şer‘ ‘arşdan münkalibdür nüktesini derke bak
Rûha dûzîde libâsdur sırrı añla ‘ârı ko
3 Bâg-ı şer‘a girmedikçe kalbiñ olmaz münşerih
Düşdigiñ dâm-ı belâdur gül döşürüp hârı ko
4 Yüz sene itseñ riyâzet düşdigiñ çâh-ı êalâl
Reh-beriñ şeytân-ı dûndur nûr ahez it nârı ko
5 Hısn-ı şer‘a giremez dîv-i racîm-i bed-hayâl
Düşme dâm-ı muzlime ikbâl bul idbârı ko
6 Çünki oldur cân ile ten kişveriniñ dâveri
Cümleden giçüp olalım şâh-ı ‘aşkıñ çâkeri
XV
1 Reh-ber olursa bu yolda himmet-i pîrân baña
‘Âlem-i lâhût olur bi-‘avn-i Hak seyrân baña
2 Himmetim ‘âlî tutup etvâr-ı nefse bakmazam
Umaram ervâh-ı pîrân olalar mihmân baña
3 Ger muhabbet hâlis ola hâ’il olmaz eyn ü ân
Giçerem havf u recâdan yol olur âsân baña
61b 4 Nâr-ı ‘aşk ile yanup ölsem fenâ bulsam bekâ
Eyler îmâ bir kademde giçmeyi nîrân baña
5 Sırrımı hâl ile bilsem añlasam mikdârımı
Cümle masnû‘ât olurlar Sıdkiyâ hayrân baña
6 Çünki oldur cân ile ten kişveriniñ dâveri
Cümleden giçüp olalım şâh-ı ‘aşkıñ çâkeri
Dr. Abdullah EREN, MEHMED SIDKÎ DÎVÂNI, https://ekitap.kulturturizm.gov.tr/Eklenti/10625,mehmed-sidki-divanipdf.pdf?0
I
Fâ‘ilâtün fâ‘ilâtün fâ‘ilâtün fâ‘ilün
1 Dest-i kudretden o dem kim böyle mey-nûş olmuşuz
Anıñ içün bu fenâda mest ü medhûş olmuşuz
2 ‘Âlem-i vahdetde yek-reng olmuş idik ‘aşk ile
Şimdi kesretde ‘anâsırdan kabâ-pûş olmuşuz
3 İtmeyüz çok da temâyül mâl ü câh u devlete
Neş’e-i câm-ı ezelden öyle ser-hûş olmuşuz
4 Bir libâs ü bir gıdâdur derd-i serden ne çıkar
Endek ü bisyârını dehriñ ferâmûş olmuşuz
5 Yok durur dâd u sitedden behremiz bu ‘arsada
Şi‘r ü hikmet söylemekle böyle pür-cûş olmuşuz
216
6 Çünki oldur cân ile ten kişveriniñ dâveri
Cümleden giçüp olalım şâh-ı ‘aşkıñ çâkeri
II
1 Gûşa gelür kâ’inâtıñ cümlesinden bu sadâ
Evvel âhir çünki yokdur ol Hudâdan mâ-‘adâ
2 ‘Âlemi kılmış ihâta dil-ber-i şîrîn-edâ
Çeşm-i cânı hayf kim tutmuş gubâr-ı mâsivâ
3 Aç gözüñ ‘ibretle bir bak mülk-i ‘aşka ser-te-ser
Bir durur bu mülk-i ‘aşkda cümle sultân u gedâ
4 İster iste isteme encâm olursın hâk-i pâ
H
v
âh-nâ-hv
âh cân u tendür ‘âkıbet Aña fedâ
5 Âyine kılmış dili komuş mukâbil vechine
Tâ ki ‘âşıklar göre âyînede vech-i Hudâ
6 Çünki oldur cân ile ten kişveriniñ dâveri
Cümleden giçüp olalım şâh-ı ‘aşkıñ çâkeri
III
1 Bunca ki kaldıñ cihânda neye irdiñ söylegil
Bunca ki gezdiñ yürüdiñ yediñ içdiñ söylegil
2 Virüp aldıñ uyudıñ gezdiñ cihânda serserî
H
v
âb-ı gafletden açabildiñ mi göziñ söylegil
59a 3 Ya çerâ-gâh mı zan itdiñ kişver-i ‘aşkı hele
Çâr-pâ mısın ya âdem togrı hâliñ söylegil
4 Nefsiñe magrûr olup hem bâda virdiñ ‘ömriñi
Hakka mı isnâd idersin cümle kubhıñ söylegil
5 Bir kere im‘ân ile bak tavrıña ey nefs-i şûm
Böyle midür bî-vefâ Hakla ‘uhûdıñ söylegil
6 Çünki oldur cân ile ten kişveriniñ dâveri
Cümleden giçüp olalım şâh-ı ‘aşkıñ çâkeri
217
IV
1 Bir gün olasın ola hâk ile yek-sân ‘âkıbet
Nâm u şânıñ ‘âlem içre bula nisyân ‘âkıbet
2 Hayret ile gidesin bezm-i fenâdan âh ile
Ola mâlıñ vârisân destinde mihmân ‘âkıbet
3 Var ise elde hasâset itme yohsa ba‘dehû
Hânümânıñı olur iller nigeh-bân ‘âkıbet
4 Yanıña kalur sanursın itdigiñ zulm ü fesâd
Sorılur nîk ü bediñden rûz-ı dîvân ‘âkıbet
5 Gâh şeb‘ân geh gürisne baglama bil devlete
Güm ider âhir seni bu çarh-ı devrân ‘âkıbet
6 Çünki oldur cân ile ten kişveriniñ dâveri
Cümleden giçüp olalım şâh-ı ‘aşkıñ çâkeri
V
1 ‘Ârif-i ‘âgâh olagör bakma halkıñ hâline
Bu cihân âlâyişine bakma nâsıñ mâline
2 Dime kim yokdur elimde sîm ü zerle elbise
Kıl kanâ‘at bakma hergiz şeyh (ü) şâbbıñ kâline
3 Câhilâne gayret ile düşme nefs çengâline
Olma sen aslâ girifte bu zamânıñ zâline
4 Añlar iseñ zâl-i dünyânıñ derûnı zehrdür
Bakma anıñ zîver (ü) hüsnine zülf ü hâline
5 Bir durur ‘ârif yanında ola semmûr u ‘abâ
Döşi mukbildür anıñ semmûre dehriñ şâline
59b 6 Çünki oldur cân ile ten kişveriniñ dâveri
Cümleden giçüp olalım şâh-ı ‘aşkıñ çâkeri
218
VI
1 Kimseden umma vefâ gel tutagör öz başıñı
Eyleme âzürde aslâ dil90 gibi sırdaşıñı
2 Kendiñe yâr ol hele sen meyl-i hûbân itme hîç
Sâde-rûyâna sakın oynatma göz ü kaşıñı
3 Meyl-i sûret eyleyüp gavgâya salma sen seni
Çalma gel mir’ât-ı kalbe şehvet ile taşıñı
4 Çeşm ü kaş ile müje fem cümle sûret nakşdur
Nakşa bakarsan da bârî fikr kıl nakkâşıñı
5 ‘Ârızî hüsn içün ey dil zâr u efgân eyleme
Döker iseñ ‘aşk içün dök bârî gözün yaşıñı
6 Çünki oldur cân ile ten kişveriniñ dâveri
Cümleden giçüp olalım şâh-ı ‘aşkıñ çâkeri
VII
1 İhtilât-ı nâs idersen râzıñ açma sâmit ol
Râza mahrem bulamazsın gâfil olma sâkit ol
2 Her neye baksañ cihânda bir eser var ‘aşkdan
Seyr-i cânân idemezseñ hâl-i ‘aşkı nâ‘it ol
3 Diñle ehlu'llâh kelâmın kec-rev olma dilde tut
İstikâmet var dilinde sâdık u hem sâbit ol
4 Her hevâya uymayup gel künc-i sabrı bekle hem
Mâyeyi pûsîde itme bâg-ı ‘aşkda nâbit ol
5 İhtiyâr u cebrde çokdur makâlât-ı kelâm
Emr ü nehye tut kulagıñ kavl-i Hakka kânit ol
6 Çünki oldur cân ile ten kişveriniñ dâveri
Cümleden giçüp olalım şâh-ı ‘aşkıñ çâkeri
90 “dil” kelimesini “del(i)” şeklinde almak da mümkündür.
219
VIII
1 Uyma gel bu nâkıs ‘akla ‘aşkı añla ‘aşka uy
Düşme evhâm u hayâle ‘akldan giç ‘aşka uy
60a 2 ‘Âr u nâmûs u desîse bil ki ‘aklıñ şânıdur
‘Âşıka reh-zen ‘akıldur ‘aşkı iste ‘aşka uy
3 ‘Akla uyanlar dem-â-dem muztarib hâl oldılar
İnkılâba düşme ey dil ‘aşkı fehm it ‘aşka uy
4 Bir ma‘âş içün bu deñlü vesveseyi n'itmeli
Yorılup kalma göñül boşla ‘akılı ‘aşka uy
5 Niçe ‘âkiller ‘ikâle düşdiler bu ‘akl ile
Salma kendiñ vartaya sen gâfil olma ‘aşka uy
6 Çünki oldur cân ile ten kişveriniñ dâveri
Cümleden giçüp olalım şâh-ı ‘aşkıñ çâkeri
IX
1 Esb-i ‘akla biz dahi bir niçe dem olduk süvâr
Viremedik bir netîce eyledik geşt ü güzâr
2 Niçe büldânı tolandık eyledik terk-i diyâr
Yidik içdik ârzû-yı nefs ile leyl ü nehâr
3 Et‘ime vü eşribe dikkat itseñ bed-güvâr
Sîm ü zer aldık ele hâlis ‘ayâr u kem-‘ayâr
4 Vâdî-i gurbetde kıldık hayli demler âh u zâr
Bulmadık bir kimseden derd-i derûna bir medâr
5 ‘Akl ise bed-kîş ü nefs-i şûm ise bir nâ-bekâr
Olamadık bunlar ile hâsılı hîç kâm-kâr
6 Çünki oldur cân ile ten kişveriniñ dâveri
Cümleden giçüp olalım şâh-ı ‘aşkıñ çâkeri
220
X
1 Ta‘n idemem kimseniñ hâline Allâh ey' bilür
Cümleniñ kalbini ‘âlim nâsı va'llâh ey' bilür
2 Sen gerek gizle gerekse eyle ifşâ râzıñı
‘Âlem-i gayb u şehâdet seni bi'llâh ey' bilür
3 Var mıdur bir nesne kim ya olmaya ‘ilmi muhît
Akrebînden akreb oldur hâli ta'llâh ey' bilür
4 Kimi ‘âşık kimi zâhid kimi fâsık kimi yâr
Sârif olan cümleyi sarrâf-ı âgâh ey' bilür
60b 5 Arz-ı mebsûta bakup seyr eyle şehler hâlini
Başlarını hum iden Kâdir-i şehen-şâh ey' bilür
6 Çünki oldur cân ile ten kişveriniñ dâveri
Cümleden giçüp olalım şâh-ı ‘aşkıñ çâkeri
XI
1 Hayret-i ‘aşk ile şimdi hânede oldık mukîm
Tutmuşuz pây-i kanâ‘at hâlimizdür müstakîm
2 Görelim ne göster(ür) Allâhu Rahmân u Rahîm
Şâh-ı ‘aşk imdâdına nâzır durur kalb-i selîm
3 Yiye içe har misâli zânn ide lezzet budur
Ni‘met-i ‘irfânı zâhid bile ‘âlemde nakîm
4 Hep suver akdâhıdur hâli dîger-gûn eyleyen
Kâlıba bakma eger oldıysa kalbiñ müstakîm
5 Semt-i ‘aşka virmişüz dil fülkini bu bahrde
Esmeye nefsiñ hevâsıyla dile bâd-ı ‘akîm
6 Çünki oldur cân ile ten kişveriniñ dâveri
Cümleden giçüp olalım şâh-ı ‘aşkıñ çâkeri
221
XII
1 Fahr-i ‘âlem kim kamunuñ reh-beridür şübhesiz
‘Arsa-i mahşer şefâ‘at-güsteridür şübhesiz
2 Seyf ile Furkân ile açdı bu dîn iklîmini
Hem hakîkat hem şerî‘at zîveridür şübhesiz
3 Yaykadı ‘âlemde niçe hâne-i kütb-i milel
Kutb olanlar pâyınıñ bir çâkeridür şübhesiz
4 Bahr-i zâtıñ fülkine mellâh olan oldur ki ol
Şâh-ı mürseldür ‘ulûmuñ mahzenidür şübhesiz
5 Ola enfâsım ‘adâdınca salât ile selâm
Her dü-‘âlem müznibîniñ melce’idür şübhesiz
6 Çünki oldur cân ile ten kişveriniñ dâveri
Cümleden giçüp olalım şâh-ı ‘aşkıñ çâkeri
XIII
61a 1 Hayf kim kaldıñ dilâ bu dâm-ı dehr içre zebûn
Niçe sâlik kat‘-ı menzil eyledi sen ser-nigûn
2 Ne felâketler getürdi başıma bu çarh-ı dûn
‘Ömrimi yile virüp itdi baña dürlü füsûn
3 İntikâmımı alur senden o ‘aşk-ı reh-nümûn
İmtinânıñdan halâs eyler o zât-ı pür-şu’ûn
4 Bî-vefâ îcâd kıldı Hak seni ez-kâf u nûn
Ehl-i dil çeksün sitemler sen hemân döndükçe dûn
5 Bir karâra mı gidersin sende var mı hîç sükûn
Gerdişiñle niçe erbâb-ı kulûbuñ bagrı hûn
6 Çünki oldur cân ile ten kişveriniñ dâveri
Cümleden giçüp olalım şâh-ı ‘aşkıñ çâkeri
222
XIV
1 ‘Urvetü'l-vüskâ olan şer‘a yapış a‘zârı ko
Enbiyâ râhını izle zann ile pindârı ko
2 Şer‘ ‘arşdan münkalibdür nüktesini derke bak
Rûha dûzîde libâsdur sırrı añla ‘ârı ko
3 Bâg-ı şer‘a girmedikçe kalbiñ olmaz münşerih
Düşdigiñ dâm-ı belâdur gül döşürüp hârı ko
4 Yüz sene itseñ riyâzet düşdigiñ çâh-ı êalâl
Reh-beriñ şeytân-ı dûndur nûr ahez it nârı ko
5 Hısn-ı şer‘a giremez dîv-i racîm-i bed-hayâl
Düşme dâm-ı muzlime ikbâl bul idbârı ko
6 Çünki oldur cân ile ten kişveriniñ dâveri
Cümleden giçüp olalım şâh-ı ‘aşkıñ çâkeri
XV
1 Reh-ber olursa bu yolda himmet-i pîrân baña
‘Âlem-i lâhût olur bi-‘avn-i Hak seyrân baña
2 Himmetim ‘âlî tutup etvâr-ı nefse bakmazam
Umaram ervâh-ı pîrân olalar mihmân baña
3 Ger muhabbet hâlis ola hâ’il olmaz eyn ü ân
Giçerem havf u recâdan yol olur âsân baña
61b 4 Nâr-ı ‘aşk ile yanup ölsem fenâ bulsam bekâ
Eyler îmâ bir kademde giçmeyi nîrân baña
5 Sırrımı hâl ile bilsem añlasam mikdârımı
Cümle masnû‘ât olurlar Sıdkiyâ hayrân baña
6 Çünki oldur cân ile ten kişveriniñ dâveri
Cümleden giçüp olalım şâh-ı ‘aşkıñ çâkeri
Dr. Abdullah EREN, MEHMED SIDKÎ DÎVÂNI, https://ekitap.kulturturizm.gov.tr/Eklenti/10625,mehmed-sidki-divanipdf.pdf?0
