TERBÎ’-İ MUTARRAF-I GAZEL-İ ‘İZZET
fâ’ilâtün fâ’ilâtün fâ’ilâtün fâ’ilün
1
“Rûy-ı yâri tâb-ı meyden lâle-fâm olsun da gör”
Bezm-i nûş-â-nûşda keyfi tamâm olsun da gör
Sen o serv-i ser-keşi ser-hoş-hırâm olsun da gör
“Ya’nî ol büt mest olup ibrâma râm olsun da gör”
2
“Âftâb-ı bâde eyler maşrık-ı humdan zuhûr”
Lem’asıyla meclis-i rindâna eyler bahş-ı nûr
Kuvvet-i mahmûrî ile rûzı eylerse murûr
“Rinde gün togdıgını sabr ile şâm olsun da gör”
3
“İş mi Şeh-nâme yalan mı kilk-i Tûsî-i hayâl”
Rüstem’i nîmîn-tene itdürmez öyle pây-mâl
Âştî vü sulh ider isterse bî-ceng ü cidâl
“Aslı var yok kıssa-hwân-ı Zâl u Sâm olsun da gör”
4
“Çeşm-i mest-i dil-rübâ yaz uyhusında nâzdan”
Kirpigi kalmaz girüde lîk tîr-endâzdan
İtdigin gördüñ niyâm-i çeşmini açmazdan
“Rişte-i hun-rîz-i gamze bî-niyâm olsun da gör”
5
“‘Âşıkuñ hâl-i perîşânın idersin i’tirâf”
Râstı budur sözüñ gel eyleme lâf ü güzâf
Nâsıhâ insâf iderseñ sîneñ it miréât-ı sâf
“Perçem-i müşgîn-i cânân bî-nizâm olsun da gör”
6
“Lâyıkâ câhında ikbâl-i ricâl-i devleti”
374
Hoş nümâyişle görüp sanma firâvân serveti
Nasbı esnâsında eylenmezse de keyfiyyeti
“İnfisâlinde gülüvv-i ehl-i dâm olsun da gör”
7
“Sâkiyâ zannum riyâdandur sükûtî turması”
Ol degülse fikr ile tertîb-i meclis kurması
Yohsa yok va’llâhi Pertev bu sözüñ uçurması
“‘Îzzet-i hoş-gûyı sen ser-germ-i câm olsun da gör”
Dr. Ekrem Bektaş, MUVAKKİT-ZÂDE MUHAMMED PERTEV DÎVÂNI, Malatya-2007, https://ekitap.kulturturizm.gov.tr/Eklenti/10630,muvakkitzade-pertevpdf.pdf?0
