TERBÎ’-İ GAZEL-İ ‘İZZET
fe’ilâtün fe’ilâtün fe’ilâtün fe’ilün
1
Bir ‘abes şey göremem olmaya hattâ lâzım
Kimi mazrûf u kimi zarf olur ammâ lâzım
“Çünki var bunda bu dil yâr-ı dil-ârâ lâzım
Ya’nî peymâne-i mey-hâneye sahbâ lâzım”
2
Olsa bir ‘aşkuma cesbân hüsünde yek-tâ
Seyr ideydük niçe olurdı cihânda şeydâ
“Kays Mecnûnlıgı ‘aklumca kolaydur ammâ
Kuşiş-i silsile-i turra-i Leylâ lâzım”
3
Sarf u îrâda çalışmak ne kadar külfetdür
Âb-rû dökmek ise âh katı zilletdür
“Gerçi dünyâlıgı kayd eylemek cinnetdür
Aralıkda o dahi âdeme ammâ lâzım”
4
‘Arz iderdüñ yalıñız baña olaydı haberüñ
Sükker-i la’l-i lebüñ âyine-i sîm-berüñ
“Kadr-i kand-i lebi ben fark iderem ki şekerüñ
Bilmege kıymetini tûtî-i gûyâ lâzım”
5
Cân gibi yâr ile ol nûş ki bî-minnet ola
Hûn-ı dil ise dahi ‘âfiyet ü sıhhat ola
“İçmem ol bâdeyi kim râyiha-i minnet ola
Meclis-i şâ’ire mey olsa da farzâ lâzım”
6
372
Sevemem her güzeli her yeri uygun ise de
Zülfi çün beyt-i mu’akkad tolı mazmûn ise de
“İstemem câzibesüz kâmeti mevzûn ise de
Mısra’-ı nâzik ü ber-cestede ma’nâ lâzım”
7
Pertev eglendi bu mazmûn ile bu ülfetden
Dil-rübâ kaçmaz imiş ‘âşık-ı pür-şöhretden
“Dimiş ol gonçe-dehen vaz geçemem ‘İzzet’den
Gülşen-i hüsnüme ol bülbül-i şeydâ lâzım”
8
Himmet-i Neşéet ile buldı bu bî-mâye vücûd
Hâliyâ olmada erbâb-ı hünerden ma’dûd
“Sâye-i Hazret-i üstâdı ide Hak memdûd
‘Abd-ı mahzem baña ancak bu temennâ lâzım”
Dr. Ekrem Bektaş, MUVAKKİT-ZÂDE MUHAMMED PERTEV DÎVÂNI, Malatya-2007, https://ekitap.kulturturizm.gov.tr/Eklenti/10630,muvakkitzade-pertevpdf.pdf?0
