Telh-kâm olsak aceb mi hâlimizni bir görün
Burnumuzdan geldi billâh acı suyı Sunbur'un
Ehl-i İslâm illerin kâfir hasârât eyledi
Ey Hudâ-nâ-tersler siz rüşvet alun oturun
Gafil olman dostlar irdi yine âhir zaman
Döndi aksine her işler kalmadı emn ü emân
.
Memleket-İslâm içinde şâh-ı âdil dinilen
Bir nice zâlimlerim destine virmişdür inan
.
Mes'ele güçdür diyü virmez murâdınca cevâb
Müfti müsteftîden almadukça tâ kim armağan
.
Kâdıaskerler virürler mansıbın a'lâların
Şunlara kim cehli zahir ola vakt-i imtihan
.
Redd iderler kadılar yüz virmeyüp bu sözlere
İki yüzlü gelse yanlarında eylerler mekân
.
Hücre akçasın değül, virmez imaret çorbasın
Müstefidinden müderris almayınca hakk-ı nân
Kendüyi allâme-i asram diyü düzer bozar
İki yüzlü cübbe almış eğnine her çift bozan
Arsa-i rezm içre biz kanlar döküp kan ağlaruz
Vâdi-i işretde siz câm-ı safa zevkin sürün
.
Hayli bî-âhengdür kânûn-ı devlet nağmesi
Ey müdebbirler anun bârî kulağını burun
Sanmanuz dârü'1-emân olan mekân kalur size
Böyle kalsa bir iki gün dahi sabr idün görün
Bir tedârük olmaz ise gitdi elden memleket
İ'timâd itmezsenüz etrâf-ı âlemden sorun
Ey vatandan ayru her dem ceng iden bî-çâreler
Rast eylen tîr-i mihnetde belâ yayın kurun
.
İrtişa birle mevâlî cem-i dünyâ itmede
Ellezîne yeknizûne âyetini eytgürün
Hân-ı Gâzî sıdk idüp bu nazmı kılmışdur revân
Ger yaman söylerler ise anı Sunbur'dan sorun
Şeyh efendi da'vete varmaduğı gün incinür
Halvetinde görinür gözine karanu cihan
Sofular nefs atına binüp sipahiler gibi
Sarkıdur sorguç yirine ensesinden taylesân
Yıl başına hep hisâb idüp zekâtına tutar
Her kaçan kim hâceler itse tasavvurdan ziyan
Hûb-rûlar buse virmez âşıka cân nakdine
Kocılur her birisi ağyara amrnâ râyegân
Şimdi abdallar dahi arif olupdur şöyle kim
Bin kez eksüklük ider bir kerre kaynatmaz kazan
Bir kelender süciye nısfından artuk su katar
Âdemi kâfir ider meyhaneci hey müslümân
.
Ey Gazâyî hâl-i mülden sen şikâyet eyleme
Arif isen yüri var sen kendü hâlün gör hemân
https://ekitap.kulturturizm.gov.tr/Eklenti/11878,gazayipdf.pdf?0
