51.
- - . / . - - . / . - - . / . - -
1.Teklîf-i visâl eyleme cânâne cefâdur
Zâr olma göñül yok yire bu câna cefâdur
2.Ey ‘âşık-ı şûrîde varup yâre yanaşma
Hidmet degül ol husrev-i hûbâne cefâdur
3.Vâ‘iz bilür anlar mey ü mahbûbsuz olmaz
Ancak garazı zümre-i rindâne cefâdur
4.Gül bezmi savıldı nice bir eylesün efgân
Diñlenmeyicek bülbül-i nâlâne cefâdur
5.Derd ü gam ile sohbet-i hâs eyle ‘Atâyî
Bî-gâne koma hâneye mihmâne cefâdur
Saadet KARAKÖSE, NEV’Î-ZÂDE ATÂYÎ DÎVÂNI, Malatya 1994
