Mef‘ûlü Mefâ‘îlü Mefâ‘îlü Fe‘ûlün
1 Tebhâle ile remz-i dehânına irişdük
Bir noktadan esrâr-ı nihânına irişdük
2 Bir niçe zamân hıdmet-i zülfünde bulunduk
Naziklük ile mûy-ı miyânına irişdük
3 Oldı hat-ı müşgîni de menşûr-ı sad-âşûb
Hüsnün hele pür-fitne zamânına irişdük
4 Nâ-çâr gül-i dâg-ı koruz şîşe-i dilde
Bu bâgçenün fasl-ı hazânına irişdük
5 Bu fâ’ide yetmez mi ki bâzâr-ı cihânun
Ne sûdını gördük ne ziyânına irişdük
6 Satsan kühen eş‘ârı da mecmû‘alar itsek
Âgâh gibi tâze-zebânına irişdük
Dr. ŞERİFE AKPINAR’ ÂGÂH (Semerkândî-i Âmidî) DÎVÂN, KÜLTÜR VE TURİZM BAKANLIĞI KÜLTÜR ESERLERİ 502 2012,
