67
Fâ‘ilâtün Fâ‘ilâtün Fâ‘ilâtün Fâ‘ilün
1 Taylasân u rîş gerçi sûfiye kuyrug olur
Sanur ol har kim anuñla başına buyrug olur
2 İl bakar bir gözgü gönder der rakîbüñ yüzine
Gözin oy bostân-ı kûyıña hele oyug olur
3 Dil kesilmez bahr-i ruhsârında zülf-i yârdan
Her kaçan andan çekil disem asılur yog olur
4 Başdan zülf-i hümâsı kuyrugın ‘arz idicek
Başına buyrug olup ol şâh sâhib-tûg olur
5 Didüm olmış var mı kûyından cüdâ tezden rakîb
Yoksa yok mı didi ol şâhum ki tezden yog olur
6 Yâr iken germ olmasun sakınsun eşkümden benüm
Sun‘iyâ ‘ışk ıssıyuz bizde harâret çog olur
YRD. DOÇ. DR. HALİL İBRAHİM YAKAR, GELİBOLULU SUN‘Î DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3197 KÜLTÜR ESERLERİ, Gaziantep
