163
Mefâ‘îlün mefâ‘îlün mefâ‘îlün mefâ‘îlün
1 Tarîk-ı ‘aşkı bilmeyüp yokuşları düz añlarsın
Muharrik görmeyüp gözüñ kasırgayı toz añlarsın
48a 2 Tulû‘-ı şems ile zevb oldıgıñ derke liyâkat yok
Hayât-bahş-ı zemîn olan zülâli sen buz añlarsın
3 Cemâdâtı olur nâtık kelâm-ı akdes ehl-i dil
Sühan hâlâtını fehm itmeyüp sözi koz añlarsın
4 Neye baksa nazar ehli görürler anda bir ânı
Bakar gibi bakan bu gözleri sen de göz añlarsın
5 Niçe biñ saydıgıñ Sıdkî ol ad ‘indinde birdür bir
Temelden derk idemeyüp biri dâ’im yüz añlarsın
Dr. Abdullah EREN, MEHMED SIDKÎ DÎVÂNI, https://ekitap.kulturturizm.gov.tr/Eklenti/10625,mehmed-sidki-divanipdf.pdf?0
