Târîh-i cirîd-i şehinşâh-ı `âlem-penâh
Mefâ`îlün mefâ`îlün mefâ`îlün mefâ`îlün
1 Şehâ ol kuvvet-i bâzûya yüz bin âferînler kim
Kemâlün âşikâr eyledi ednâya vü a`lâya
2 Sen ol Sultân Murâd-ı Cem-haşem hâkân-ı gâzîsin
Selâtîn içre mislün gelmemişdür dahı dünyâya
3 Giderken şarka teşrîf eyledün şâhum Haleb şehrin
Çıkup devletle bir gün kal`a vü şehri temâşâya
487
4 Cirîd atdun mübârek destün ile kal`adan şehre
Hemân şeh-bâzâsâ kondı ol bir bâm-ı bâlâya
5 Ana târîh içün devletlü hunkâra du`alarla
Didi Yahyâ cirîdün kal`adan irişdi bu câya (1048)
Hasan KAVRUK , ŞEYHÜLİSLAM YAHYÂ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3147
