Târîh-i bâb-ı şübbâk-i kabr-i Hazret-i Imâm
 
 Müstef`ilün müstef`ilün müstef`ilün müstef`ilün
 
1 Sultân-ı Gâzî Hân Murâd şehenşeh-i `âlî-nijâd
 Bagdâd fethinde idüp çün fî-sebîli'llâh cihâd
2 Şân-ı Imâm-ı A`zam'ı ta`zîm ü tekrîm itmedür
 Hak `Ömrini efzûn ide itdi kemâl-i ictihâd
3 Itdi gümüşden bâbını hem kabrinün şübbâkini
 Ol pâdişâh-ı Cem-haşem ol şâh-ı sâhib-`adl u dâd
4 Idüp du`a-yı devletin Yahyâ didi târîhini
 Hem bâbı hem şübbâkini sîm eyledi Sultân Murâd(1048)
 
 
Hasan KAVRUK , ŞEYHÜLİSLAM YAHYÂ DÎVÂNI,  T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3147